لا خيـر باللـي ورى الدنيـا يـدور
ولا خير باللي يضيـع عمـره خسـاره
ويخيـب مـن يظلـم النفـس وايجـور
ويخسـر مـن عــرض نفسـه للتجـاره
والـزرع بـلا راعـي تـراه ايبــور
ومـن يبني ابيوت الرمل تنهدم داره
وش يرجـع الطلـق يـوم إنـّه يثـور
ومـن يجبـر المكسور عقـب إنكساره
ولـو تقطــع العقـد يصيـر منثـور
وش يجمـع العقــد بعـد إنتثــاره
واللي بلا مبـدأ حصـن(ن) بلا سـور
ومن يفعل العيبه وش تنفع أعـذاره
الوجه أسود لـن مـا بالقلب نـور
وعمر الفضيله ما كانت للردى جاره
وكتـاب الله ما ينوجـد حـدّ الخمـور
وترى الدجال ما ينفع حجـّه وإعماره
وشلـون فـوق الجيّـف تنثر إعطـور
وش ينفع العطـر من فـوق القذاره
ما يطهر الخنزير لو إرتمى ببحور
وما يعرف السكران وش هي الطهاره
ومن عاف سكـة الشرف ليه محـرور
ومن يقبـل الذل وش هو إنتصـاره
ومن باع جسمـه ويقول أنا معـذور
يعيش مثل البهيم ويحمل أسفـاره
واللي يخبي العيـب ويبات مسـرور
تـرى كـلّ البشـر تعـرف أسـراره
ولا تدعـي الأخلاق واتقـول مجبـور
مجبـور أمشــي ابطريـق الحقـاره
أناديك وابعينـي دمعـة المقهور
إتقـي الله العظيــم وسعيـر نـاره
دنيتك صفحه وأعمالك بها إسطـور
وكل واحد(ن) يحمل ذنوب إختياره